Model hriathlawh tak mai Katie Price fapa Harvey Price, kum 21, chuan rel (train) lem meter 21.3 a sei a ziak a, Guinness World Record a siam. Harvey record siam hi a hlut lehzualna chhan chu amah hi autism a nih bakah Prader-Willi syndrome, septo-optic dysplasia leh thil zirthiam lama harsatna nei a ni.
Katie Price chuan, “Ama pualin Guinness World Record a siam thei hi mak ka tiin awih pawh a harsa zawk hial a ni. Mahse, a thawkrim ve a, he lemziak puiltin tur hian a bei nasa ve takzet a, thil ropui tak a tichhuak ta niin ka hria. Kan chhungkaw zingah Guinness World Record siam kan awm ve ta a, kan chhuang em em a ni,” a ti.
Harvey rel lem ziah hi Themeslink engine leh a carriage a ni a, a lemziahna lehkhapuan zial hi pharhin Guinness ahanga endiktu ten an teh thlap hnuah record a siam tih puangin certificate an hlan ta a ni.
Harvey Price-a’n rel lem ziak sei record siam
