Haryana-a Nuh-a intihbuaina chuan zual lam pan zelin nunna chan panga awm tawhin mi 70 chuangin hliam an tuar tawh a. Nuh-a thil thleng hian 40km a hlaa awm Badshahpur pawh a thleng tawh tia sawi a ni a. Mipui thinrim te chuan sakhuana thil kaihhnawiha au in restaurant leh dawr te an suasam nasa hle a ni.
Mi 200 rual velin tlai lam dar 4 velah Badshahpur hi thlengin tiang leh lung tum kengin dawr tam tak an tichhia a, restaurant hal bawkin hliam tuar erawh an awm lo tih a ni.
Tharumthawhna hi Delhi a\anga 50km leka hlaa awm Nuh a sakhuana thila kawngzawhna neiha chhuak a ni a. Video pakhat huathlala tak thehdarh nia sawi vangin mipui thinrim chuan kawngzawhte hi lung nena beiin heng kawngzawh te hian himna zawngin an tlandarh ta a ni.
Tharumthawhna chuan zual lam pan zelin zan lamah mosque halin a awm a, vehicle za chuang hala awm bawkin mipui thinrim chuan Nuh leh a \henawm Gurugram chu an suasam a ni ber a. Nunna chan zinga pahnih chu security personel niin civilian pahnih an thi bawk a, thi zinga pakhat chu mosque a puithiam a ni.
Heng mosque a himna zawnga tlanlut te hi zanlaiah chhanchhuahin an awm a. Thneitute chuan FIR 44 register a nih tawh thu sawiin mi 70 chuang man an ni tawh thu an sawi bawk.
Tharumthawhna hi Monu Manesar, Bajrang Dal activist langsar tak Bharatpur a mi pahnih thattu nia puh chu rally-ah hian a inphum ru tia thuthang awmin a hrin a ni a.
Monu Manesar hi February thlaa Junaid leh Nasir te an chuanna car-a halhlum a nih a\angin a chin hriat loha la awm ta char char a ni a. Monu Manesar hian vieo hmangin mipuite chu religious procession neiha telve tur leh amah pawh a tel ve tur thu a sawi zui a, amah thlawptute pawhin rally neih hmain \awngkam dengkhawng tak tak an sawi bawk.
Chaudhary Aftab, Nuh MA chuan, “Monu Manesar thusawi hian mipui a tithinrim a. Bittu Bakrangi tena Monu chu a tel ve dawn tia an sawi chuan tharumthawhna a thlentir a ni,” tiin a sawi.
“Thuneitute hnenah kawngzawh phalna pe lo turin ka ngen a, hlauhthawn ka neihsa vang a ni. Mahse, ka ngenna an hnawl a Monu Manesar thusawi avangin tharumthawhna a thleng ta a ni,” tiin a sawi.
Buaina thleng avang hian Gurugram a education insitution tin te khar vek niin Class 10 leh 12 board exam pawh \hulhin a awm phah tiin a sawi bawk.
Sohna, Pataudi leh Manesar area-ah te internet service tihtawp nghal niin police te pawhin Hindu leh Muslim sakhua hotute biain hma an la mek bawk.
Haryana a ‘communal violence’ vangin nunna chan
