Haryana agri. dept. in official 24 te chawlh lailawktir
Haryana-a Agriculture and Farmers’ Welfare Department chuan official 24-te chu an bial theuhah thing leh mau hal a nih loh nan hma an la tawk lo nia sawiin a suspend. Hemi chungchangah hian October 20 khan thupek tihchhuah a ni.
Thupekah hian official-te chu an hnathawh hmuna kangmei ven hna ngawrh zawka thawk tur an nih laiin an hna an tlin lo a, kangmei nasa tak a chhuah phah thu tarlan a ni a, hei hi sorkar in a duh dan a nih loh thu sawi a ni bawk. Sorkar chuan an awmna hmunah hian kangmei chhuak tam tak hmuh a nih thu an sawi.
Official suspend te hi district 9 – Jind, Panipat, Hisar, Kaithal, Karnal, Fatehabad, Kurukshetra, Sonipat leh Ambala atanga agriculture inspector, supervisor leh agriculture development officer-te an ni.
Thawhlehni khan thuthar thehdarhtute chuan Haryana Agriculture Minister Shyam Singh Rana hnenah official 24-te suspend chhan an zawt a, Ran chuan, ‘kangmei chhuak veng tura hrilh lawk vek an ni’ tiin a chhang.
Haryana agri. dept. in official 24 te chawlh lailawktir
