Haryana chief minister hlui leh Indian National Lok Dal veterean politician Om Prakash Chautala chu kum 89 mi niin Gurgaon-ah a boral tih INLD thupuangtu chuan nimin khan a sawi.
Om Prakash hi Haryana chief minister term nga chhung lo chelh tawh niin, deputy prime minister hlui Devi Lal fap a ni bawk.
A chenna inah cardiac arrest a nei a, damdawi in panpui nghal nimahse chhan theih a ni ta lo niin INLD thupuangtu chuan a sawi.
Om Prakash hi Haryana deputy chief minister hlui Dushyant Chautala pu a ni bawk.
Sorkar chuan an state hotu hlui boralna chuan a thawng tak zet tih a sawi a, ram chhung mipuite chu Om Prakash zahna hnuhnung nei theuh turin a ngen.
A vui dan tur leh a ni awh chhung tur hi la puanzar a ni lo a, he thu buatsaih lai thleng hian engmah thuchiang la tihchhuah a ni lo a ni.
Haryana CM hlui Om Prakash boral
