Hauruang leh Tlanbung inkar kawngpui (National Highway-302) chhe lai siam a nih dawn avangin July 26 zing dar 6.00 atanga July 28 zing dar 6.00 thleng khar a ni dawn.
Lunglei – Tlabung Road (National Highway-302) chu lirthei tan zawh ngam loh tur khawpa a chhiat tawh avangin Lunglei Thlang Joint Maxicab Services chuan July 24 atang khan tiamchin awmloin an maxi cab tlantir tawh loh an tum bakah passenger phur chi ni lo lirthei dangte pawhin an hmalakna thlawp ve turin an sawm a ni.
Lunglei district bawrhsap Ramdinliani chuan NHIDCL aiawh leh contractor-te a thutkhawm pui a, kawng chhe lai chu rang taka siamtha turin contractor-te thu a pe a. Contractor-ten dipdaltu nei loh leh rang taka kawngpui siamthat hna an thawh theihna’n leh lirtheiten an zawh leh thuai theih nan danin thuneihna a pek angin district magistrate hian, pawimawh bika phalna a pekte tih loh chu kawngpui siam chhung he kawng khar rih a nih thu hi mipui a hriattir.
Contractor BRN Infrastructure Pvt. Ltd chu July 28 zing dar 6.00 atanga lirthei eng chi pawhin an zawh theih turin kawngpui hi siamtha hman tura tih an ni.
Hauruang – Tlanbung inkar khar rih
