Jail tang chhuak, haw na tur nei lo leh khawlaia tal mai maite enkawlna hmun atana din – Khawngaihna Inah awm duh an thahnem deuh a, an thawhpui Mizoram Synod chuan insuanchhuahna atan mimalin ram a pek chu a hman tir dawn.
Synod Executive Committee (SEC) vawi 314-na thukhawm chuan Synod Prison Ministry-in a thawhpui mek, jail tang chhuak, haw na tur nei lo leh khawlaia tal mai maite enkawlna hmun Khawngaihna In, Chite Veng ami chu an hmunhma in a zawh tawh loh avangin, Pu Vanlalngaia’n Synod hnena ram a pek chu hman hawh a dilpui a. Synod Prison Ministry leh Khawngaihna In thawhho dan, Khawngaihna In dinhmun leh hmunhma an mamawh dan ngahtuahin an dilna hi a remti.
Pu Vanlalngaia, Kulikawn hian Hlimenah bigha 7.5-a zau ram a nei a. Ruihhlo ngaite chhanchhuahna hmanrua atan a lo tangkai theih takin tiin, kumin May 9 khan Synod kutah a hlan. He hmun hi jail tang chhuak, haw na tur neilote enkawlna atana duhthusam, hmun fianrial, chakkhai lamna hla lutuk si lo a ni a. Synod Prison Ministry-in a thawhpui Khawngaihna In chu Chite Veng atangin Hlimen ramah hian sawn a ni dawn ta a ni.
SEC thukhawm hian Mizoram sawrkarin Mizoram Universal Health Care Scheme (MUHCS) zawm tura a ngenna pawmin, Synod Hospital Durtlang leh John Williams Hospital Lunglei-in MUHCS zawm a remti. Memorandum of agreement chungchanga tihfel ngai awm angte lo bawhzui turin SEC hian OM kutah a dah a. Tihfel ngai tihfel a nih hnuah Synod Hospital-in MUHCS a zawm hun tur a tichiang dawn a ni.
Ruihhlo ngaite enkawlna Jordan Centre Sethawn enkawl tura sawrkarin Mizoram Presbyterian Kohhran a ngenna chu SEC hian a ngaihtuah bawk a. ‘Heti lam kawnga rawngbawlna hi kan ramin a mamawh leh tul em em a ni a, ram hmangaihna avangin SEC chuan lak mai tha a ti a, rorelna sang ber Synod-a thlen turin a pawm a ni,’ a ti.
Jordan Centre Sethawn lak leh lak loh chungchang hi Synod Inkhawmpui vawi 102-na Zarkawt Presbyterian Kohhran biak ina neih hunah thutlukna siam a ni ang.
Haw na nei lo tan awmna tur nei
