Health worker zir tur lawmlut
Health Workers Training School Kulikawn chuan an zirlai thar tur lawmluhna Capping & Lamp Lighting hun chu Ningani khan hmangin, health worker zir thar turte hi Mizoram Nursing Council registrar Zochuanpuii chuan lukhum khumtirin, thutiam a laktir.
Hmanpuitu Health & Family Welfare principal director Dr Vanlalsawma chuan, health worker-te chu hriselna kawnga hmun kilkhawr ber thlenga hma latu an nih avangin an hna a zahawm a, an awmna apiangah khawtlang nu leh pa nih an fawm thin, tiin, chutianga khawtlang leh ram tana chhenfakawm la ni thei tur chuan theihtawp chhuaha inzir zel turin a fuih.
Tun tum health worker zir tur hi batch 40-na niin, zirlai hi mipa 25 leh hmeichhia 25, an vaiin 50 an ni. Kulikawn Health Worker Training School atang hian zirlai 1647 an zir chhuak tawh a ni.
Health worker zir tur lawmlut
