Hmar People Convention (Democratic) pawl hminga mi vau leh rikraptu an awm a, a titute hi manchhuaka hremna pe turin Central YMA chuan sawrkar a ngen.Central YMA thuchhuah siam danin, November 5 khan HPC (D) nia inchhalten Khawlian leh NE Tlangnuam VCP te leh political party hruaitute vau in an rikrap a, hei hi tha lo an tiin, he thil hi an ngaih thutak hle a, mipui himna ti derthawnga khawtlang hruaitute vau leh rikraptute hi a rang thei ang bera zawng chhuak a, an phu ang hremna pe turin Mizoram sawrkar an ngen tih a sawi.
Hetianga Zohnahthlak unaute inpumkhatna tichhe zawnga chet hi tun hnu ah thleng tawh lo se an duh tih a sawi bawk.
Thudawn danin HPC(D) hi sawrkara an inpek tawh avangin pawl awm tawh lo anga ngaih an ni a, hetih laia he pawl hminga mi vautute hi pawl anga ding chu an ni chiah tawh loa ngaih a ni.
Hel pawl hmingin mi vau CYMA-in man turin ngen
