Excise & Narcotics Department chuan ni hnih chhungin hmun hnihah heroin kg.6 chuang an man.
Inrinni zan dar 8.00 khan Bawngkawnah heroin gram 248 grams (hawng 22) leh a neitu nia puh – N. Ngolang (55) Sanmyo Veng Tahan, Myanmar-a khawsa nia inchhal an man a. Pathianni chhun dar 12.03 khan Zemabawk East Kanan Thar Petrol Pump bulah heroin kg 5 & gram 810 (hawng 501) man lehin, a tawlhruknaa inhnamhnawih mi pali – Md. Nazimul Hussain Barbhuiya (34) Nutan Ramnangar; Abdul Kalam Laskar (23) Uttar Mohanpur Sonai; Kutbul Alom Laskar (28) Sonai leh Sukur Ali Mazumder (22) Lakhipur Cachar district Assam te an man bawk a. Heroin phurhnaa hman truck AS11 EC 5636 pawh man tel a ni.
Excise & Narcotics Department-in hmun hniha heroin an man zawng zawng hi kg 6 & gram 58 (hawng 523) a ni a. ND&PS Act 1985 tlawhchhanin thubuai siamsak an ni.
Heroin kg.6 chuang man
