India Independence Day vawi 77-na chu August 15 zing khan Gauhati High Court Aizawl Bench-ah lawm a ni a. Gauhati High Court judge Justice Michael Zothankhuma’n hnam puanzar pawtpharhin, 225 Battalion CRPF-in hnam puanzar chibai an buk.
He ni lawmnaah hian Gauhati High Court judge Justice Marli Vankung pawh a tel a. Registrar Joel Joseph Denga, bakah Aizawl Bench-a registry officers leh official-te, Mizoram State Legal Services Authority member secretary, Aizawl District Court-a judge-te, Additional Advocate General Mizoram, Mizoram Bar Association hruaitute bakah Ainawn Veng Local Council hruaitute leh khawtlang mi engemawzat an tel a. Sawm bik – Govt. Primary School Ainawn Veng, Special Blind School leh Gan Sabra Home an tel bawk.
High Court-ah I Day
