Gauhati High Court judge, Lunglei judicial district bialtu (portfolio judge) Justice Nelson Sailo chuan Zirtawpni khan Lunglei District Court a endik a, court building thar sak theihna tur hmun a en.
Justice Nelson Sailo hian district bawrhsap leh superintendent of police a kawm a. Dan leh thupek kenkawh kawnga thawhhona tha zawk a awm theih nan leh mipui zalenna leh dikna chanvo humhim a nih zel theih nan thuneitute mawhphurhna a sawipui. Hei bakah hian BAR hruaitute leh member-te kawmin, court hmunhma tha zawk leh funkim neih a nih theih nan chak zawka hma lak nise an duh thu BAR hian an lo thlen. Court case chak zawka tihfel a nih theih nan tan la sauh sauh turin judicial officer-te a fuih.
Court hmunhma siamthatna atana hnathawktu PWD Building Division hotute kawmin, hmunhma tha rotling neih a nih theih nan leh a bikin Lunglei District Court hmunhma tawt lutuk tihziaawm thuai theih nan theih anga chaka hma lak dan tur a sawipui a. Lawngtlai leh Siaha district-a court leh quarters saknaa hma lak mek leh hmalak ngaite sawi ho a ni.
Lunglei judicial district-ah hian Lunglei district bakah Hnahthial district, Saiha district leh Lawngtlai district a awm a. Tunah Lunglei District Court-ah hian case ngaihtuah lai 352 a awm a ni.
High Court judge-in District Court tur en
