Himachal Pradesh chuan ruahsur nasa vanga leimin, tuilian nasa tak kumin furpuia a tawh avanga a hloh chu Rs 12,000 crore hu vel lai a ni tiin Chief Minister Sukhvinder Singh Sukhu chuan a sawi a. Prime Minister Narendra Modi chu an state chhiatna tawh chu ‘national disaster a puang turin a ngen.
Sukhu hian New Delhi a G-20 Summit neihnaa dinner President Droupadi Murmu buatsaihah telin September 9 khan Prime Minister chu hmuin State kaihhnawih thil pawimawhte a sawipui a
Chhiatrupna thleng chuan an state a khawih nasat thu sawiin Sukhu chuan Prime Minister chu ‘national disaster’ a puang turin a ngen a. Kumin chhunga chhiat tawhna hrang hrng avanga nunna chan 400 chuang an awm tawh thu sawiin chenna In 13000 chuang tihchhiat a ni tawh a ti bawk a, hei vang hian mi sang tak chenna in leh lo nei lovin an awm mek a, State in hloh tlingkhawm chu Rs 12,000 crore hu vel a ni tawh tiin a sawi bawk.
Sukhu chuan Himachal Pradesh chuan indinthar leh turin Union government puihna nasa tak a mamawh ngawih ngawih dawn a ti bawk a. Prime Minister chu Himachal Pradesh hnenah Bhuj leh Kedarnath chhiatna chhawmdawlna a kalpui tawh anga special relief package pe turin a ngen a ni.
Himachal-in ‘national disater’-a puan duh
