Tun hnai nihnih chhunga Himachal Pradesh a ruahsur nasa tak chuan leimin nasa tak siamin tuilian a thlen nasa bawk a. Kawngpui 280 chuang kharin a awm mek a ni.
Tuilian nasa chu Una leh Lahaul bakah Spiti ah te chenna in tam tak chhungah lutin thuneitute chuan mipuite chu fimkhur taka awm tura ngenin tui chim chin a san zel avangin Jahalman Nallah chu paltlang tum lo turin ngenna an siam bawk a.
July 31-a Kullu,Mandi leh Shimla district a tuilian thut avanga mi 30 chin hriatloha awm te ruang zawnna lamah hmasawnna an nei thei meuh lo bawk tiin officials te chuan an sawi a.
Kumin hian ruahsur kaihhnawihah mi 100 chuangin nunna an chan tawh a, June 27 atanga August 9 chunga State in a hloh chu Rs 842 crore vel a ni tawh tiin an sawi bawk.
State emergency operation centre data chuan Mandi-ah kawngpui 96 khar a ni a, Shimla ah 76, Kullu-ah 37, Sirmaur ah 33, Chamba ah 26, Lahaul leh Spiti-ah pasarih leh Hamirpir-ah panga, Kangra leh Kinnaur-ah pali ve ve khar a ni bawk.
Kinnaur district chu state capital Shimla nena tlawh pawh theihin a awm lo mek bawk a. Pooh leh Kaurik ah tuilen vang leh Negulsariin hnaiha National Highway 5 a leimin awm vang a ni.
Officials te chuan power supply hmun 458 leh water supply scheme hmun 48 ah a khaihlak nasa an ti bawk a.
Pathianni khan ruahsur la nasa thei ‘orange’ alert tihchhuah niin district panga – Bilaspur, Chamba, Hamiprpur, Kullu, Kangra, Mandi, Shimla, Solan, Sirmaur leh Una ah te ruahsur nasa zual theia sawi a ni a.
MeT office chuan Chamba, hamirpur, Kullu, mandi, Sirmaur leh Shimla district ah te pawh ruahsur nasa in tuilian a siam thei an ti bawk.
Himachal Pradesh-in harsatna tawk nasa
