Ranveer Singh channa ‘Dhurandhar’ chuan box office record siamin, Hindi tawng chauh a tlangzarh film zinga India sum la lut hnem ber a ni a, he film hian India-ah ringawt cinema hall ticket hralhna atangin cheng vaibelchhe 989.9 a la lut tling ta a, tuna a kal dan chuan India-ah cheng vaibelchhe 1,000 a la lut tling thei dawn niin a lang.
Indian film zingah Dhurandhar aia sum la lut tam hi a awm nain, Dhurandhar hi chu tawng chi khat, Hindi chauh a tlangzarh a ni a, Indian film dang sum la lut tam zawk te hi chu Hindi bakah tawng chi hrang hrang a tlangzarh an ni.
Dhurandhar hian khawvel huapin cheng vaibelchhe 1283.5 a la lut tling tawh a, hei pawh hi Indian film zinga tawng chi khat chauh a tlangzarh zinga khawvel huapa sum la lut tam ber a ni tawh bawk.
Dhurandhar hi cinema hall-ah an la chhuah reng a, tunah hian Netflix lamin cinema hall lamah an tihtawp hunah stream turin vaibelchhe 130-in an lei fel leh tawh bawk.
Dhurandhar hi a chhunzawmna ‘Dhurandhar 2’ pawh an peih fel tawh a, March ni 19 a tlangzarh tur a ni.
Hindi film zinga sum la lut hnem ber Dhurandhar
