Kumin February atanga hlawh la la lo Mizoram RMSA Employee Welfare Association chuan finance changtu chief minister an pun.
Mizoram RMSA Employee Welfare Association hruaitute hian Nilaini khan chief minister Lalduhoma hmu in, chawimawina thuziak an hlan. An harsatna hrang hrang ziakin an thlen nghal a, kumin February atanga hlawh an la lak loh thu an sawi chu chief minister-in Finance thuneitute a be nghal a, pe chhuak rang turin a hrilh.
“Kan sawrkar hian hnathawktute hlawh hi a hun taka pek theih tumin kan insangmar chho mek a. A hun taka hlawh kan lak theuh theihnan department-te pawhin an salary bill a hun takah thehlut zel thei se a tha hle a ni,” chief minister hian a ti.
Hlawh la lo ten CM pun
