Panchkula, Chandigarh-a November ni 14-20, 2023 chhung awh India rama badminton tournament lian Yonex Sunrise 30th Smt. Krishna Khaitan Memorial All India Junior Ranking Prize Money Badmin-ton Tournament (Under-19) khelh zawh takah Pathianni khan Mizo shuttler H. Lalthazuala s/o H. Zohmangaiha, Chanmari West a vanduai a, boy’s singles final khelh laia a ke a tihnat avangin a khel tluan thei lo a, Mizoram badminton tana trophy hlu bik ni tur chuh zui thei loin pahnihna a ni.
Final-ah hian Pranauv Ram Nagalinga, Tamil Nadu lam mi chu 21-15, 11-2 (retired)-in a hneh ta lo a ni.
12th seed Mizo rawlthar hian semi-final match-ah Sanskar Saraswat chu deciding-ah 21-16, 11-21, 21-17-in a paltlang a, kha last four inkhelah pawh khan |hazuala hian harsatna tawk tawhin, ke ulh chungin a khel a, chhel taka tuarin final a lut a, title inchuh match-ah erawh a ke hliam vang hian a khel tluan thei ta lo a ni.
He tournament-ah hian India ram hmun hrang hrang atangin player 1,150 chuang zet an chhuak a; ngaihhlut hlawh ber boy’s singles category-ah final lutin, Mizoram Badminton Association (MBA) thuchhuah-in a tarlan danin, Zuala hi Mizo zinga under-19 category-a national level ranking tourna-ment final lut thei hmasaber a ni. Ngaihhlut hlawhber boy’s singles (U-19) category-ah hian India rama badminton player tha ber ber an tel a, mi 490 lai inlan zinga a tawpkhartu pahnih zingah Aizawl rawlthar a tel.
Chanmari West rawlthar |hazuala hi kum 16 mi niin, tun dinhmunah under-17 category-ah pawh a la khel thei a; Tata Trusts (NEIDA) sponsor-na hnuaia Pullela Gopichand Badminton Academy (PGBA), Hyderabad-a awm mek a ni.
MBA thuchhuah chuan, “Mizote’n India ram badminton khawvela kan la thlen phak ngai loh ram min hruai thleng a, min tihmingthatu Thazuala hi Mizo-ram Badminton Association chuan a chhuang tak zet zet a, a hma lam hun kal zel tur atan duh-sakna sang ber a hlan a ni,” tiin lawmpuina leh duhsakna an hlan.
Hliam vanga champion zo lo Thazuala
