I kawppui/ ngaihzawng nena in inkara tek deuh sek sek awm thin kha, in lo inkawp rei deuh hnuah a bo tain i hria em? Ka borusk tek deuh sek sek kha i vawnghim thei a, chu chu i tih theih phawt chuan in inkar boruak a hlimawm dawn bik riau a ni.
Nupa inthen kan pung a, nupa nuna in dawhtheihna kan tlachham telh telh bawk. Chutianga kawppui te laka dawhtheihna a tlakhniam a, inthen mai duh rum rumna thinlung te i lo pu tawh a nih chuan hetiang hian han ti teh le:
1. Engtianga a awm leh eng a tihin nge ti hlim thin che tih chhinchhiah ula, chutiang chu a khat tawkin intih sak fo rawh u.
2. A tu emaw zawkin lungawi lohna a nei emaw, eng emaw phunchiarna a neih chuan in ngaihthlak sak ang che u. Nangmah vanga lungawi lo a nih ngat phei chuan a phunna te bengkhawn sak ang che.
3. Nupa nun hmanna kawngah inngaihsak tawn tur a ni a, chutiang chungchang sawi dun chu zahah lak loh tur a ni. A tu emaw zawk a chet la hmasatu zawk a nih fo a, a rawttu zawk ang hrima a inngaih chuan a fuh dawn lo a nia.
4. Kawppui te lakah chuan thu zzp neih loh tur a ni a, an hriat loh a eng emaw lo tih bik pawh a fuh lo. Nupa chu inring tawna, engkim inhre pawh tur an ni.
5. Hmana inhmangaih em em thin te kha, tunah chuan kan invin ta khur khur a, bak deuh hlakin kan inbia a. Chutiang tur a ni lo, kan intawn tirh a kan hlim dun theih zia te, kan inhmangaihna vanga nuam kan tih thinzia te pawh sawi dun thin tur a ni a, chu chuan hmana kan boruak tawn ang kha a her chhuahpui ve leh thei thin a ni.
Hmangaihna leh induh tawnna vawng nung rawh
