Hmarcha sen tai hlar mai chu ei a chak awm a, hmarcha ei vak lo tan pawh chaw ei dawhkana an chawp chuan ban ve mai a awl thin. Tun tumah hian Times of India health section-in hmarcha sen thatna ni a an sawi te kan rawn tarlang e.
Hmarcha hring chu a la hmin lo tihna a ni a, a la puitling lo tihna a ni, hmarcha hring chuan hmarcha hmin sen aiin vitamin C 50%-in a pai tlem zawk a, vitamin A pawh 1/10th in a pai tlem zawk bawk.
Hmarcha sen hian vitamin A a pai hnem hle a, mit tan a tha hle a, a bikin zan lama khaw hmuh (night vision) atan a tha lehzual.
Hmarcha sen hian metabolism a tichak thei a, heart rate a tichakin, BP pawh a siam tha thei. Hmarcha sen thak kan ei hian kan metabolic rate a chak a, hei vang hian intih cher tumte tan ei chi tak a ni.
Antioxidant chak tak a nih piah lamah vitamin C a pai hnem hle a, vitamin C chu taksaa iron siam nan a pawimawh hle. Iron i tlachham a nih chuan iron pai tam chaw leh hmarcha sen ei pawlh ang che, hmarcha hian kan chaw ei atanga taksain iron a tam thei ang ber a lo lak theih nan a pui nasa hle a ni.
Vitamin A leh C inchawhpawlh antioxidant chak tak a ni, a lycopene pai nena a inchawhpawlh phei chuan super food an tih zinga mi a ni pha tlat. Hmarcha sen hi thlai zinga lycopene pai hnem ber pawl a ni a. cancer veng thei tu chaw tha tak niin, a bikin mipa serh leh chuap cancer veng theitu tha tak a ni.
Hmarcha senah hian mineral chi hrang hrang a tam hle a, chuvangin anxiety nei te tan chaw tha tak a ni a, hmeichhe thihul tur buai deuh (pre-menstrual symptoms) tan pawh a tha hle. Vitamin B6 pawh a pai hnem a, hei hi natural diuretic niin, BP sang tur pawh a veng thei.
Hmarcha sen tai thatna
