ICAR- Agricultural Technology Application Research Institute (ATARI) Zone VII, Umiam leh College of Fisheries Lembucherra tangdun chuan Mizoram, Meghalaya, Manipur, Nagaland leh Tripura-a Krishi Vigyan Kendras (KVK) 43 tan September 19-21 chhung khan Tripura-ah annual zonal workshop an buatsaih a. Tripura larsap N Indrasena Reddy chuan a hawng.
Workshop-ah hian kuthnathawktute thiamna leh mamawh pek kawnga tangkai zawka KVK-in hma a lak theih dan tur sawi a ni a. Ei leh bara hmarchhak state a intodelh theihna kawnga tan lak a tul thu leh, a bikin dil/ lui sangha khawi leh sawngbawl lama eizawnna ngelnghet siamsak tum tura inhrilh a ni.
He workshop hi Central Agricultural University Imphal vice chancellor Dr Anupam Mishra bakah ICAR DDG (Agricultural Extension) Dr US Gautam ICAR hotute leh mithiamten an hmanpui a ni.
Hmarchhak KVK tan workshop
