Hmarchhaka hmasawnna ruhrel
thawh dan duangtu turin sawiho
Sawrkar laipui Ministry of DoNER-in India hmarchhak hmasawnna atan ‘economic corridor’ hmathlir duang tura a din High Level Task Force on North East Economic Corridor chu an convener chief minister Lalduhoma hoin inbiakhmuh theihna hmangin an sawikhawm.
Chairman chuan hmarchhak infrastructure tihchangtlun tul zia a sawi a. Mizoram road density chu India ram average aiin a hniam zawk hle a, infrastructure dangah pawh a la hnufum hle, tiin, “Infrastructure kan tihchangtlun hian chhaklama Asian ramte nena kan inkalpawhna kan titha a ni nghal zel a, thawh tur a tam hle,” a ti.
Hmarchhak bialte tana hmathlir fel tak neia hma lakpuitu DoNER minister Jyotiraditya Scindia chungah lawmthu a sawi a ni.
Planning & Programme Implementation secretary Lalmalsawma Pachuau chuan thutkhawm hmasaa sawiho leh member state-te atanga rawtna lut behchhanin report a pe a, sawiho zui a ni.
Sawikhawmnaah hian DoNER minister Jyotiraditya Scindia, Meghalaya chief minister Conrad Sangma, Assam minister Chandra Mohan Patowary, Manipur chief secretary PK Singh, Ministry oo Road Transport & Highways secretary V Umashankar leh Department for Promotion of Industry & Internal Trade aiawhten thu an sawi a. An sawihona hi state tinin an thlirho leh anga, sawikhawm leh a la ni ang.
He Task Force hi Ministry of DoNER-in India hmarchhak hmasawnna ruhrel pawimawh thawh tur (objectives), short term, medium term leh long term ruahmanna neia rawtna siam tura a din a ni.
Hmarchhaka hmasawnna ruhrel thawh dan duangtu turin sawiho
