India-ah fur lai a ni mek a, a thlen chin erawh a la inang lo hle a. Khawchin zirtuten inralrinna an tihchhuah thar berah pawh hmarchhakah tui a len mai hlauhawm a nih tawh laiin hmar lam erawh khaw lumin a la tuam dawn tih tar lan a ni.
India Meteorological Department (IMD) chuan Inrinni atang khan Bengal hmar lamah chuan ruah a sur teuh dawn tih a sawi a, Alipurduar leh Jalpaiguri district-a hmun kilkhawrah te phei chuan ni khatah cm 20 chuang sur theiin a sawi.
Hetihlai hian Delhi-NCR chu thlipui leh ruah tlem tla turin sawi mah se boruak lumna erawh 39-42°C vel a la ni.
IMD-in Zirtawpnia thlalem atanga thlalak a tihchhuahah pawh chuan fur ruah hi Himalaya tlang dunga khawchhak leh hmarchhakah a nasa dawn tih a lang.
Ni eng emaw zat chhungin Arunachal Pradesh, Assam, Meghalaya, Nagaland, Manipur, Mizoram leh Tripura-ah ruah tam tak a sur tur thu sawi a ni a. Hei hian tui lian, lei min leh lirthei inkalpawhna buai a thlen thei dawn tih an sawi.
Bengal hmar lama Darjeeling, Kalimpong, Jalpaiguri, Alipurduar leh Cooch Behar-ah ruah tam tak a sur chhunzawm zel rin a ni a. Thuneitute chuan Darjeeling leh Kalimpong tlangah hmun hniamah tui lian, khaw hmuh theih chin tawi, thlai chhia leh lei min a awm thei tih an sawi.
Bengal-ah hian hmar lama ruah a tam dawn laiin chhim lamah chuan June 11-a a sur hnuah tam a la sur lo va, Kolkata-ah pawh Ningani khan tlem a tla a, ni tam tak khaw lum an tawrh chu a ziaawm ve hret a. Zirtute chuan tun kar atangin chhim lamah ruah a tam ve tan thei dawn niin an sawi.
Ram khawpui berah chuan mi chengten khaw awm dan inthlak an tuar a. Thlipui leh ruah awm ve zauh zauh mah se ruah sur hian khaw lum a tihhniam phah a rinawm loh thu zirtute chuan an sawi.
Delhi-ah hian ni rei vak chhung chu khua hi 39-42°C vela lum a nih rin a ni a, boruak pawh a uap dawn a. Haryana, Punjab leh Uttar Pradesh hmun hrang hrangah hetiang dinhmun hi a awm beisei a ni.
IMD chuan Uttar Pradesh khawchhak leh thlang lamah Nilaini thleng khaw lum uchuak tak a awm thei tih an sawi a, fur ruah erawh a thleng hnai niin an sawi bawk.
Kar tawp chhung khan India hmarthlang leh laili hmun zau tak chu thli leh ruahin a nuai a. Bihar, Jharkhand, Odisha leh Madhya Pradesh-ah ruah tam tak a sur a, Rajasthan khawchhak lamah vauvut thli leh ruah tam tak a sur bawk.
India-a khawchin zirtute chuan ram chhunga khaw awm dan inang lo tak tak awm reng hi khawthlang lam atanga thli lo lut leh tuipuia thlirvir insiam insem darh inzawmkhawmin khawthlang atanga ruah pai thli kal dan a thlak danglam nasat vang a ni tih an sawi.
India-ah hian fur hi June 1 atanga intan thin a nia, kuminah hian tlai hretin a darh chak danin beisei a phak lo va; mahse, hma lam panin a kal zel a. Maharashtra, Telangana, Odisha, Jharkhand leh Bihar hmun zau tak tak a tuam tawh a, ni li atanga ni nga chhungin Bihar, Jharkhand, Chhattisgarh, Odisha leh Telangana hmun thenkhatah hma a sawn belh zel beisei a ni.
Thlasik thlai chin hun atana inbuatsaih lo neitute tan chuan fur ruah tla darh zau chak chak dan hi a pawimawh hle a. Chawlhkar eng emaw zat chhunga ruah sur hun tur hian thlai chin hun tur a hril a, lova thlai chin dan a nghawng nasa a, India eibar nghawng a ni.
Hmarchhakah tui lian, hmarah khaw lum awm thei – IMD
