Hmeichhe candidate awm nual dawn

Kum tawpa inthlanpui lo awm turah hmeichhe can
didate an awm nual dawn a, an tam ber tum pawh a ni thei mai thei.
Party lian pathum- MNF, Congress party leh ZPM te’n hmeichhe candidate an nei dawn tih a chiang a, mi dang pawh an la rawn lang turah ngaih a ni.
MNF hian candidate tur an la tifel lo a, mahse bial hnihah hmeichhia an candidate dawn tih a chiang; thil a la inthlak thei tho na a, Aizawl East II-ah B Lalawmpuii a chiang a, West Tuipui-ah Prova Chakma a chiang bawk.
Candidate tur tifel tawh ZPM-ah hmeichhia hi pahnih an lang a, Aizawl South III-ah Baryl Vanneihsangi, Lunglei East-ah Lalrinpuii te an ding ang.
Congress party-in candidate an la tifel lo a, mahse hmeichhe candidate an nei dawn tih a chiang. Minister hlui Lalawmpuii Chawngthu a ding dawn tih a chianna a rei tawh a, a dinna tur erawh a chianna a la rei lo, Kolasib bial-ah a ding dawn. Congress party-ah hian hmeichhe hming lang pakhat a la awm a, a chian leh chian loh hriat a ni rih lo.
A lo berah hmeichhe candidate hi panga chu an awm dawn tih a chiang a, mi dang pawh chiang leh thuai turah ngaih a ni.
Tuikum bialah hmeichhe pakhat chu independent ticket-a din a tum a, Zoramthar atangin hmeichhia an awm nual a rinawm bawk.
AMC leh LMC-ah hmeichhe bial a awm a, MLA-ah hi chuan a awm lo. Chuvangin hmeichhe candidate-te hi mipa nen an inkhin a ngai dawn.