Hmeichhe journalist intawkkhawm
Network of Women in Media, India chuan Zirtawpni atang khan Guwahati-ah National Meet vawi 19-na an hmang tan.
Ni thum awh tur NWMI National Meet hi Don Bosco Institute of Management-a nghah a ni a. NWMI hian ramchhung hmun hrang hranga hmeichhe chanchinbumite himna leh intluktlanna leh media kaihnawih hrang hranga hmeichhe hmasawnna tura din a ni a. Tunah hian ramchhung hmun hrang hrangah hmeichhe journalist member 900 an awm mek. Tun tumah hian palai 200 dawn an tel a ni.
Intawhkhawmah hian thupui hrang hrang zirho a ni dawn a. Independent journalist Linda Chhakchhuak pawhin “Perspective from the Periphery: Reporting on and North East India” tih thupui hmangin thu a sawi dawn.
Ram chhung hmun hrang hrang atanga kalkhawm zingah Mizo hmeichhe pathum – Linda Chhakchhuak, Zaithangpuii Vuangtu leh Esther Lalchhanchhuahi te an tel a ni.
Hmeichhe journalist intawkkhawm
