Kumin August-a Serchhipa hmeichhe naupang kumtling lo kut inthlak leh hleilenna thleng chungchangah hlei lentu hmeichhe kum tling lo chu kum khat chhung Special Home Durtlanga awm tura tih a ni.
Juvenile Justice Board Serchhip District chuan principal magistrate Josangzeli Tlau hoin Serchhip Hmar Venga Observation Home-ah Zirtawpni khan an thukhawm a. He thutlukna hi siamin, he thila pawi khawihtu zinga tel midang pathum chu bail-in an lo chhuak tawh a, mi pathum dang chu probation-a dahin, thla thum chhung District Child Protection Unit Serchhipah counselling la tura tih an ni.
Juvenile Justice Board thutkhawm lai hian kut tuar hmeichhe naupang thlavang hauhtu mi engemawzat chu Observation Home tualah hian an pungkhawm a ni.
Thla hmasa khan Serchhip hmun pakhatah kum tling lo hmeichhe rual hian kum tling lo tho hmeichhe pakhat chungah hleilenna lantirin, heta kut thawhtu ber hi tuna JJB-in a chungthu a ngaihtuah hi a ni a; Special Home Durtlanga awm tura tih a nih hma pawh hian Observation Home Serchhipah hian dah a ni tawh a ni.
Hmeichhe kut thlaktu Special Home lamah
