Tu emaw i duh deuh chu inngaihven tir tumin phe buai duh vak suh. A ni lo zawngin boruak a inher hlauh thei. I duh deuh chu i deuh huam lo tura hrilhtu che i tawng tawh em? I tawng tawh a nih pawhin zawm harsa i ti thin em?
Min ngaihven ve se, tih kan duh luatah, thildang zawng zawng kan hmuh hmaih a, No.1 dress nen, a kalna tur ni a kan rinah te lo intawk tarh a- min hmuh palh hlauh takin! Min nuih sak te kan beisei. Hetiang ai pawha chet dan atthlak hi a la tam mai. Mahse, pawi ta ber chu kan rin loh zawngin thil a kal phah thei tlat.
A kalna apiangah te khan i lo zui ngawt ang e, ‘Eng mi nge maw a nih le?’, ‘Mi hlauhawm a ni thei ang a?’ tih ngaihtuahna thleng neiin a hlauh phah zawk daih thei che. A hlauh tawh chuan i bul hnaia awm loh theih dan mawlh a ngaihtuah tawh dawn a ni.
Eng emaw hlekah biak sek pawh tum lem suh. I thil sawi apiangah rem leh rem lo a amah hmer tel talh kher zel te kha a tul lo teh mai a nia. Inti fing leh inti zei nih te i hlawh phah hlauh chuan, a pawi full a ni mai.
Mipa dangin an lo ‘try’ ve pawh a ni ang, amah ‘try’ vetu sawi chhiat vak vak te chin loh tawp a fuh ang. Hmeichhia-in mipa an han fak deuh te hian, an mipa fak chu sawiselna tur ngawt te kan zawng ta thin. Chu ai chuan lo fak pui ve mai kha a fuh zawk. I fak ve thei lo a nih pawhin a thusawi kha pawm niawm takin awm mai rawh.
A mipa thiante chu ning awm takin awm ching suh. Chu ai chuan kawmngeih ve mai tum zawk la i hlawkpui zawk ang.
Hmanhmawh suh. A tir atanga serious nghal viau mai kan duh thin. Mahse, chutiangin hmeichhia khan a lo ngai ve kher lo thei. Chuvangin, muangchangin che la, a rilru tur awm te ngaihtuah rawh. A ni khatna atangin tute mah an induh nghal em em ngai lo tih hria la. Tunah i hlawhtling lo a nih pawhin beidawng suh. A ni tur chu nghah rei pawhin a ni tho tho a nia.
Hmeichhia chu- Ti deuh huam suh
