Hmeichhia ten mipa lak atangin eng nge an beisei a, eng nge an duh tih hi mi hrang hrangah a danglam viau thei, mahse, a tlangpui thua hmeichhia ten mipa chu ni tura an duh dan inang tlang deuh thup a awm ve niin relationship lama mithiam ten an sawi a, kan rawn tarlang e.
1. Superman: Hmeichhia ten anmahni venghim thei tur mipa an duh. Harsatna an tawh lai taka tanpui theitu te. Superman tih vanga pa sek tel tul tih lam a ni kher lo tih erawh hriat reng tur.
2. Rimtui: Mipa ten hmeichhe rimtui an ngaina ang bawkin hmeichhia te pawhin mipa chu rimtui deuh veng veng turin an duh ve tho. Mahse, i mil tur inhnawih rimtui ngaihtuah ang che, i thianpa tana rimtui kha i tan a rimtui ve kher lo thei lo. Rimtui over a awm leh a, chutiang chu an ngaithei leh tlat si lo.
3. Piannalh: Mipa dulkiar leh luah ai chuan a mawi tawka tihrawl nei ve deuh chuan mit a la zawk.
4. Inchei thiam: Mipa inchei duhdah tak, tawp ruk hmel deuh tluka hmeichhe tana turn-off an awm lo, an ti hial. I inchei dan kha a hmanlai lutuk em, mi uar loh lutuk anga inchei tlat te hi hmeichhe te mit tikhamtu a ni thei tlat.
5. Faina: Mipa fai vang mai an duh a nia. I incheina chu eng anga tunlai pawh nise i balh hmel tlat chuan ‘turn-off’ a ni tho tho.
6. Hair style:I rin aiin hmeichhia ten i hair style kha an chik dawn a nia. Hair style thing deuh pu chung chuan chhas bem tluk a har fu ang.
7. Langtlang: Thup nei tit tet thin anga an ngaih mipa chu an nel tak tak thei lo. Dawt hrilh lo la, a thinrim phah a nih pawhin a hnuah a rinphah leh zawk hlauh ang che.
8. Eirawng bawl thiam: Hmeichhia chu restaurant tha ber ber-ah i chawlhpui tawh a ni maithei, mahse, chung zawng ai chuan i eirawng bawl tui ti taka a ei kha a hre rei zawk ang.
9. Surprise: An rin loh deuha thil tihsak hi hmeichhia ten an lawm. Pangpar leh chocolate pek mai te pawh an lawm tawk a tling em em. Thilpek dawn te hi nuam an ti, i thilpek chu a man to leh to lam ai mahin a rin loh deuha i pek te kha a hlimpui zaw phian a nia.
Hmeichhia ten mipa lak a\angin engnge an beisei?
![](https://theaizawlpost.org/wp-content/uploads/tap_logo-min-large.jpg)