Hna lak hrang hrangah
felhlel tam tak a awm
– MZP president
Tunhnaia hna lak hrang hrangah complaint an dawng nasa a, thil felhlel tam tak a awm tih Mizo Zirlai Pawl president H Lalthianghlima chuan a sawi.
Kum 2025 atan MZP Pisa Pui chu Thawhlehni khan hawn a ni a, hemi puala inkhawmah H Lalthianghlima chuan, kum bul tan chauh mah se, hmalakna tur a tam nghal hle tih sawiin, hnalak hrang hrang an enzui dawn tih a sawi.
“Tunhnaia hna hrang hrang lakah thil felhlel tam tak a awm a. MZP chuan complaint kan dawng nasa hle a. Hetiang thu hriat tur awm reng hi a pawi a. National Institute of Technology (NIT) Mizoram-in 2024 November 8-a hna an lak tur advertisement a tihchhuah tawh chu dik taka kalpui turin kan ngen a. Fair taka a thiam leh tling ngei la turin thuneitute kan ngen a ni,” a ti.
Mizoram sawrkar department hrang hrang hnuaia hnalak mek leh hnalak turah dik taka kalpui a nih leh nih loh uluk takin an vil zui zel dawn tih MZP president hian a sawi bawk.
Hna lak hrang hrangah felhlel tam tak a awm – MZP president
