Hnahlan Grape Farming & Processing Cooperative Society Ltd. leh North East Wave tangdun chuan August 19 hian Hnahlan Winery-ah Grape Festival – The Grape Escape an buatsaih dawn a. Festival-ah hian hnam lam leh rimawi lam tel tura ruahman a ni.
The Grape Escape hi sawrkar flagship programme – SEDP sum atanga buatsaih tur niin, sawrkar laipuia Tourism ministry pawhin a hriatpui leh a thlawp a ni tih a buatsaihtute chuan an sawi a. Grape chin leh tualchhung siam wine bakah wine tourism leh agro tourism chawilarna tura ruahman a ni tih an sawi.
Hnahlana Grape Festival hi Champhai North bialtu MLA Dr ZR Thiamsanga’n hawngin a hmanpui dawn a. Grape chingtu hnathawk thate chawimawina hlan an ni anga, marathon bakah intihhlimna chi hrang hrang pawh buatsaih tum a ni.
Hnahlanah Grape Festival
