Hnahthial District Bawrhsap, Pi Rita Lalnunmawii Pachuau chuan Hnahthial mipui ten rualkhai zawka POL an chan theih nan hetiang hian thupek a chhuah:
Kolasib District chhunga kawng chhia avangin All Mizoram Petroleum Dealers Association te’n tiamchin awm lova Petrol leh Diesel phurh loh an tum avangin Petrol leh Diesel lakluh a muangchang deuh dawn a, Hnahthial District mipuite’n harsatna nasa tak an tawh loh nan leh rualkhai taka Petrol/Diesel an hmuh theih nan “The Mizoram Trade Article (Licencing and Control) Order, 1987” para 24 leh 25 tlawhchhanin POL Control Order hi siam a ni.
Petrol Pump (Filling Station) tin ten a hnuaia tarlan ang hian Petrol/Diesel mamawhte hnenah rualkhai takin an pe chhuak tur a ni.
Two Wheelers -3 Litres
Three Wheelers -5 Litres
LMV – 10 Litres
MMV-20 Litres
HMV- 40 Litres
Filling Station ten Dead stock tel lovin Diesel Litres 4000, Petrol- Litres 3000 an neih chinah DC/DCSO phalna tel lovin POL hi an pe chhuak tur a ni lo. Lirthei a thun theih bak Bur (Galion/Barrel/Bottle etc.) hmanga lak phal a ni lo.
He Thupek hi thu leh awm hma chuan zawm tur a ni.
Hnahthial Bawrhsap-in POL khuahkhirhna thupek a chhuah
