Lallunghnema
Charity Lodge
Cont: 9862288182
Hnahthial khawpuiah hian mi fel tak tak social work lama mi tangkai tak tak an awm a. Chung zingah chuan Consumer Association Hruaitute hi an tel ve ngei ang.
Heng Consumer Hruaitute hian an huam chhunga anmahni pantu consumer-te hi an lo tithlawn ngai lova; an theih ang angin an lo pui \hin a ni. He pawl hruaitu ka sawi theih chin te chu Pu Laltluanga te, Mahuna te leh an \hiante hi an ni a. Mipui tan an thawkrimin an \angkai hle a ni.
Kum 20 vel kal taah khan MCU aiawhin kan \hianpa Pu Romawia khan hun laia Synod Sr Music Instructor nen khan he khawpuiah hian Consumer Awareness Campaign kan va nei tawh a. Rah \ha a chhuah nasa em phei chu ka hre law, programme tha tak kan hmang thei kha ka lawm em em ringawt phawt mai a ni.
Tun hnai lawka an Hruaitute hnen a\anga ka message dawn hi i lo thlir teh ang. A nih ang ang hian an report hi ka rawn hlui ang e. Lo chhiar rawh le!
Complaint hlawhtling:
Hnahthial lam chanchin
Hmeichhe tana Gas free.
CONNECTION DAWNGTU CHU COMPLAINT-SAK A NIH HNUIN A DAWN KIM LOH TE PÊK A NI
Consumer pakhat chu March 21.2025 khan a nu nen an lo lêng a. An harsatna an rawn thlen a. March ni 21 zan hian an harsatna chu Ministry of Natural Gas Govt of India hnenah thlensak nghal a ni a.
Vawiin 26 March 2025 hian an dawn tur an dawn loh chu pek an ni.
Background:
Consumer hian 2023-ah hmeichhe tana a thlawna Gas Connection an pêk thin (PMUV Connection) chu a dil ve a. Kum 2024-ah diltu dang eng emaw zatin connection hi an dawng a. Ani chuan a dawng ve lo.
Office-ah kalin a dawn ve loh chhan a zawt a, mîin amah chu an report/complaint a ni ang tiin an chhang.
Kum 2025 February thla tir lamah Fidelia a\angin phone call a dawng. Fidelia Office-a kal turin an hrilh. Consumer hi a zin bo lai a nih avangin a kal mai thei lo. Feb. 18-ah a zin a lo haw a.
A tuk, February ni 19-ah Fidelia Office-ah a kal.
February 19-ah chuan Gas book (OGCC booket) an lo pe a, thil dang engmah an pe tel lo. Ni eng emaw zat hnuah subsidy a luh tur thu an hrilh a. Kâr khat hnuah ani chu Fidelia Office-ah kalin Gas card chauh an pek chhan a zawt a. Office hnathawktute chuan anmahni thua an pek theih loh thu an lo hrilh a. Bungrua chu an thawn lêt vek tawh thu hrilhin Distributor hnena sawi turin thurâwn an pe.
PMUY HIAN ENGNGE A HUAM?
1) Gas cylinder, security deposit
2) Pressure regulator
3) Suraksha Hose(1.2 meter)
4) DGCC booklet
5) Enfiah/rem khawm sak/a tih dan entir/a tih dan inziahna lehkha
6) Gas bur(khat) (a tak awm) a free.
7) Stove(hotplate)
Heng zawng zawng zingah hian Gas Card chiah a dawng a ni.
Chutichuan, consumer hi a chanvo tam tak pek loh a ni a, rah beh a ni.
Ministry of Petroleum and Natural Gas-ah he thil an rawn sawi zân la la hian complaint theh luh nghal a ni a. Tichuan, March 26 hian an chanvo te chu Consumer hnenah hian pek a ni tih Consumer chuan a rawn sawi ta a.
Consumer hnenah hian, ‘Distributor lam chuan \awngkam mawi lo leh ngaihthlak nuam lo an hmang em? tiin zawh a ni a. Consumer chuan chutiang \awngkam an hmang lova, \awngkam \ha takin an indawr tih a sawi’.
Report : Mahuna
Kan chenna khawvel hi a \awp tawh khawp a. Rinawmna chhe tê pawh nei lo, duhâm reng mai, Customer te laka \hat chhuah tum hlawl lo, Isua hnung zuitu, ringtu inti sumdawng hi an pung sawt hle, an tam satliah lova, kan hniang hnarna lam tak a ni ang e! Sumdawng Dawrkai, thil hralhtu rinawm lovah hian kan intodelh hle ta ve ang. Kan \hat loh dan pawh hi ril thûk tak a ni.
Pathianni a lo thlenga Rawngbawltu mipa tawh phawt chu nghawng tâwk nei lo, nghawngawrhin kan inthlung fur a. Kan ngaih a \ha viau ringawt. Pathianni a liam a. Thawh\anni a lo her chhuak, a ngai tê bawkin kan inzuar a, a ngaite bawkin MRP aia sangin thil kan hralh a, ka buk tling lova, hman tlak lo bungrua kan zuar a, kan hralh leh tho. Kristian sumdawng dawrkai thinlung hi Krista kraws thisen hian a sawp zawr zo lo em ni? tih hi zawhna pawimawh tak, chhan thiam har tak a ni mek!
Consumer harh rawh!
Mamawh tân Centre For Consumer Education pan theih an ni e. An lo pui ang che.