Hnahthialah kuthnathawktute sawipui
Sawrkar laipui Department of Biotechnology bultum, Biotech Krishi Innovation Science Application Network Project, DBT Biotech Kisan Hub: Mizoram University hmalaknain Thawhlehni khan KVK Hnahthialah kuthnathawktute hriat tur zirtir an ni a. Hnahthial district khaw thenkhat – Darzo, Tuipui D, Cherhlun, South Vanlaiphai, Thiltlang leh Hnahthiala kuthnathawktute an tel.
Training hawnna hi district bawrhsap Rita Lalnunmawii Pachuau chuan a hmanpui a. Mizoram University Department of Horticulture Aromatic & Medicinal Plants ami Prof Rambir Singh, KVK subject matter specialist pahnih – Zosangliani Varte (Horticulture) leh Dr Lalngaihawmi (Plant Protection) ten an zirtir.
Kuthnathawktute hnenah thlai enkawlna damdawi hrang hrang bakah thlai chi leh thlai tiak pek nghal an ni bawk.
He project hnuaiah hian Mizoram University leh KVK Lunglei tangdun chuan tomato, French bean, zikhlum, sawhthing, hmarchate leh polyhouse hnuaia capsicum leh tomato chin danah demonstration hrang hrang kalpui a ni.
Hnahthialah kuthnathawktute sawipui
