Zofate zingah Israel hnam bo inti an awm a, Israel sorkar pawhin hnam bo-ah a pawm. Mi engemaw zat chu Israel ramah an pem tawh a, tun hnaiah pawh pem leh tur an awm.
Mizoram Excise & Narcotics (MEN) departme’Mizoram atanga pem tur an awm a, Manipur atanga pem tur an awm bawk a. An inpeih at tawh,’ an hruaitute’n an ti a, Israel sorkar hmalaknaa pem tur an nih thu leh, tihfel ngaite tihfel a nih tawh thu an sawi.
Thu dawn danin, tun tuma Mizoram atanga pem tur hi mi 300 an tling lo a, Manipur atanga pem tur hi mi 2000 vel an ni. Manipur atanga pem turte hi Zo hnahthlak vek an ni.
Nikum kum tawp lamah khan Israel atangin rabi pakua an rawn kal a, anni hian hnam bo hruai kir turte buaipuiin an enfiah tih thu dawn a ni. Chuta an thlante chu kumin hian Israel rama hruai tur an ni a, tunah hian a thawh khatnaa pem turte tihfel niin, mi dangin an zui leh tura ngaih a ni.
Mizoram leh Manipur-a Zo hnahthlakte zingah Israel hnam bova inchhal an awm a, Josepha fapa Manasea thlahteah an inngai. Bnei Menashe tiin Juda sakhua an zawm a, Bnei Menashe chu Manasea fate tihna a ni.
Bnei Menashe hian Mizoramah inkhawmna hmun panga vel an nei a, Aizawlah Dawrpui veng, Chhangurkawn, Sihphirah te, Sialhawk leh Bairabi-ahte an nei.
Mizoram leh Manipur atang hian mi engemaw zat an pem tawh a, a tam zawk fe chu Manipur atanga kal an ni.
Israel sorkarin hnam bo zawn chhuah hna a thawhah Mizoram leh Manipur-a Zo hnahthlakte hi hnam bo-ah pawm an ni a, an pem pawh hi Israel sorkar chuan hnam bo hruai kir hna tiin an sawi.
An sawi danin, Israel ram an thlenin kum khat chhung chu sorkarin a chawm a, hemi chhung hian tawng an zir bakah an hna tur ngaihtuahin chumi chu an lo zirtir thin.
Mizoram atanga pem hnuhnung berte chu 2020-a mi an ni a, mi 300 vel an ni. Kumin hian thahnem tham tak pem turin an inbuatsaih mek.
“Hnam bote” Israel ramah pem leh hnai
