Hnama chiang Gerrard Pique

Football ngainatute tan chuan Spain leh Barcelona defender rinrawl ni reng thin Gerrard Pique hi hriat hmaih theih loh khawpa footballer langsar a ni. Mual chhungah hlawhtlinna hrang hrang a chan piahah a nupui chhe lo leh lar tak; Shakira vangin hriat a hlawh leh zual bawk.
Manchester United defender hlui Pique hian Barcelona chu trophy lian sawmhnih paruk zet a lakpui tawh a. Manchester United-a a awm laiin Premier League, Community Shield bakah Champions League trophy a la hman bawk. Club tan Champions League, La Liga, Copa del Rey, European Super Cup leh FIFA Club World Cup trophy a lakpui kim vek tawh a. An ram Spain chu khawvela ennawm ropui ber FIFA World Cup-a a champion pui tawh b^kah Euro-ah a champion pui tawh bawk a. Ram leh club angin hlawhtlinna s^ng ber ber a chanpui vek tawh a ni.
Khawvela footballer tha bera mi tam takin an ngaih, player hmuhnawm >m >m Lionel Messi nen Barcelona tan an khelh dun thin miau av^ngin an khel kan en ngun thin hle. A chezia leh a hmelhmang hrim hrim mai pawh hi kawmthlang tlangval Mawia ang tluk zetin kan hre chiang hial mai awm mang e tih tur a ni. Defender tha tak a nihna ngawt aiin hnama chiang ‘Nationlist’ rumrut a nihna hi Gerrard Pique ngaihsanawm leh zualna a ni daih thung.
Spain ramah khuan ram bial khat Catalan a awm a. Chu Catalan biala awmte chuan Spain atanga inlak hran a, mahnia ro inrel ram nih chu an duhthusam, an lungkham b^n theih loh a ni. Mizote India ramah kan mikhual a, kan awm lohna tur tawpa awma kan inngai reng ang hian. Catalan mi ‘Catalonia’ te chuan ‘Spanish’ inti duh lovin ‘Catalonia’ an inti kher thin. Keini’n Indian intih kan hreh ang tho hian.
Ni 1, Ocotber 2017 khan Catalan bial a mite hian Spain atanga inlak hran duh leh duh loh chungchangah vote an thlak a, vote pawh a tla tha hle. Hemi tum hian mi 2,044,038 (92.01%) zetin Spain atanga inlak hran an duh hial a. Vote chhiar hman loh leh vote thlak hman lo an awm nual bawk. Chung vote thlak tura kalte chu Spain Police te chuan nasa taka an vuak bakah an man teuh bawk a, tan inah an khung ruih ruih a nih kha. Spain Police ten dim lo baksak-a kut an thlak, man leh vuak tuara Catalonia te an rm >m ni. Anni club pahnih hi thiam z^wk nih inchuha inel mai an ni lova, Politics thil tak pawha intai leh innek reng an nih av^nga inhal >m >m reng an ni.
Catalonia ten Spain atanga in dan duha vote thlak leh vote thlak tura kalte nghaisak an nih lai khan Pique chuan a mite thil tih chu thil dik, an dikna chanvo a nih thu huai takin a sawichhuak piap piap a! Assam Police in Mizo zirlaite an vuak a, silaia an kah laia Mizoram sorkarin ngawih a chuh a, ui dawih z^wk ang maia an khup zul zul ang kha ni lovin. Pique chuan Spain football thuneitute mitmei ven a tum buangbar duh lo va, dinhmun tha z^wk chan beisei vang ngawtin lehlamah a awr a sen a, lehlamah a awr a dum hek lo. A ram leh hnam tan a nih phawt chuan World Cup khelh loh te lek lek chu tin ther tiatah pawh a ruat lova, a thin a tiphu tham eih lo a ni ber mai. A ram leh hnam tan a va inpe bik tak em!
‘Khawvela ennawm ropui ber’ ti hial an sawi thin ‘FIFA World Cup’ khelh ph^k hi footballer zawng zawngte ch^k, an suangtuah ram a ni. Champion tawh leh champion tura rinkai ber pawl Spain tana khelh ph^k leh lek phei chu a chakawm >m av^nga lum hluma hlawh tlak a ni hial ta ve ang. World Cup-ah an che tha a, an champion a nih ngat phei chuan bonus neuh neuh an dawn tur ringawt pawh hausak pui tham lawih a tling a. Hausakna bakah larna leh hmingthanna zawng zawng an la hlawh cheu dawn bawk a. Vailui kam leh Zawngtah luikama nula te pawhin…..”Awiii! Lal-Pique…tang draaahhh” tiin an lo au khek rawi rawi dawn tih a chiang reng bawk. Mahse, hnama chiang Gerrard Pique erawh chuan chung hmingthanna leh hausakna zawng zawngte chu a hnam leh a mite aia thlakhlelhtlakah a ruat lova. World Cup khelh aiin a mite tawrh ang tawrh ve a ‘dam leh tlang khatah, thih leh ruam khatah’ tih a thlang z^wk. Hnamah avan chiang bik tak!
Pique-a a Catalonia zia ka ngaihtuah apiang hian Santosh Trophy-ah ringawt pawh Mizoram tana khel tha duh lova, state lian leh hausa z^wkte tana khelh thlang zawk Mizo player te kha ka ngaihtuah chhuak tel ziah a, thin an tina nawn thin. Mizoram tan feh chhuah huna chawlh hahdam thlang z^wk player eng emaw zat pawh kha kan la ngai eng emaw tlat. Ramin a mamawh laia hahdam lo thlang zawkte kha chu an eng emaw tlat reng a! Hnama chiang Pique hi chu a eng emaw ve tlat lo.
Ramtuk thla, tahrik ni 2, 1987-ah Barcelona khawpuia piang Gerrard Pique hi Barcelona academy La Masia pum chhuak a ni a, kum 17 chauha upa a nih laiin Premier League club ropui Manchester United a zawm thung. United-ah hian vawi 12 chauh khelin, hmun pawimawh a chang ph^k lo. Loan a Spain club Villareal a zawm hnuin kum 2008 khan a chawrchhuahna Barcelona lamah a kir leh a, Barca atang ngei hian par a chhuang ta thung. Spain rawlthar team hrang hrang tan a khelh chhoh hnuin kum 2009 atang khan Spain senior team tan a khel tan a. Spain tan hian inelna hrang hrangah vawi 102 zet khelin, goal nga a thun. Inelna lian tak takah Spain a champion pui hnuin August ni 11, 2018 atang khan ram tan inkhelh a chawlh-san ta a. November 5, 2022 khan Barcelona tan a tawp nan a inlan a, Almeria nen an inkhelh zawh hnuin football a chawlhsan zui ta a ni.