MZP Gen. Hqrs buatsaihin hnamdang pasal nei MLA candidate duh loh lantir nan Zirtawpni khan Aizawlah ‘Hnam humhim kawngzawh’ neih a ni.
Kawng hi Zarkawt kawn atang zawh tanin, Vanapa Hall kawt thleng zawh a ni a. Zirlai engemawzat an tel a, hnam dang pasal nei MLA candidate-a dah an duh loh thu thuziak an keng a, an aurual bawk.
Vanapa Hall kawta kawngzawh kharnaah MZP president H Lalthianghlima chuan, MLA inthlan turah hnamdang pasal nei candidate-a dah lo turin vawi tam party tinte an ngen a, ram leh hnam tan, tiin ZPM leh BJP chuan an ngenna an zawmsak a, lawmawm an tih thu a sawi. Hetihlai hian hnamdang pasal nei tih hrereng chungin Congress party chuan candidate-ah an dah lui nia sawiin, hnamdang ten an nupuite hmanga Mizoram rorelna sang ber an luhchhuah chu rem an tingai dawn lo tih a sawi a ni.
Hnamdang pasal nei MLA candidate-te an tlin loh nan ke an pen zel dawn a, Lungleiah pawh lungawi lohna lantir an tum tih a sawi. Mizo hnam chu thisenah a nih avangin, hnamdang Mizorama an awm rei tawh avanga Mizoa pawm chi an ni lo tih a sawi.
Hnam humhim kawngzawhah hian resolution pathum an pass a. Mizoram rorelna sang ber, Assembly House-a thu turin hnam dang pasal nei an duh lo thu te, hnam dang pasal nei MLA candidate-te hnawl tur leh vote lo tura Mizo mipui an ngen thu leh, Mizoram leh hnam humhim a nih zel theih nan a tawp thlenga ke an pen zel tur thu te a ni.
Hnamdang pasal neiin MLA a chuh vangin kawng zawh
