Pathianni zing khan Las Vegas khawpuia Allegiant Stadium in inhnek ropui tak a thleng a. Middleweight huanga kawnghreng pali inchuhna inhnek hmuhnawm takah Terence Crawford chuan champion lai Saul ‘Canelo’ Alvarez a hneh a, modern era-ah wieght then hran pathuma champion thei hmasa ber niin tlawm nei lovin a kal tluang zui zel.
Middleweight a kawnghren pali kawl kawp mektu Saul ‘Canelo’ Alvarez hi vei lam hmang thiam (southpaw) boxer lakah chet that a harsat thin vangin southpaw boxer Crawford lakah a talbuai mai rinna lian tak a awm lawk. Rin lawk ang ngeiin Mexican boxer hian Crawford lakah beisei a phak lo. Inhnek hmuhnawm takah hian boxer tha, a khingpui apiang hneh zel mai Terence Crawford chu endiktu pathum ten point an pe tam zawk vek a. Point 116-112, 115-113 leh 115-113 a hnehna changin unanimous decision hmangin hnehna a chang a, middleweight huanga kawnghren pali:- WBA (Super), WBC, WBO leh IBF super-middleweight te chu Alvarez kut atangin a laksak zui ta a ni.
Inhnek vawi 42 hmachhawn tawha tlawm la nei lo Crawford hian kum 2014 khan lightweight a kawnghren pa li a lo kawl khawm tawh a. Hemi hnu hian light-welterweight & welterweight ah kawnghren pali a la leh bawk a. 2025 a inherchhuah meuh chuan middleweight a kawnghren awm zawng zawng a kawl khawm leh ta vek a, a ropui zual zel.
Hneh theih loh Crawford
