Holi lawmnaa insual buainaah mi pathum thi
Zirtawpnia India kût ngaihhlut hlawh, Holi lawmnaah khan Bengaluru dai, Karnataka-a zu rui intihbuaina chhuakah mi pathum an thi.
Intibuaite hi mipa hlir paruk, Bihar-a khaw pakhat atanga hna thawka kal khawmte inkarah chhuakin Anekal-a an hna thawhna, in sak meka an intihhlimna hmunah hmeichhe pakhat chungchang an sawinaah intihthinrimin an insual buai a ni.
Tiang bakah iron rod hmangin an invua a. Thi pathum hi thisenin a bual khat vek a ni.
Ruang pakhat hi apartment inkalpawhnaah hmuh hmasak ber a ni a, pakhat hi pindan chhungah hmuh niin pakhat hi apartment pawnah hmuh a ni.
Thite hi Ansu, 22, leh Radhe Shyam, 23, an ni tih finfiah tawh niin pakhat erawh tunge a nih an la hre lo.
Hliam tuar pakhat chu police-in an kawl mek a, mi dang pahnih an la zawng zui bawk.
Holi lawmnaa insual buainaah mi pathum thi
