City Mission Management Unit Lunglei ULB, Urban Development & Poverty Alleviation Department Lunglei buatsaihin home hrang hrang hman tur bungrua (refurbishment item) sem a ni a. Higher Powered Committee Lunglei vice chairman Lawmawm Tochhawng, MLA chuan a hmanpui.
DAY-NULM (Deendayal Antyodaya Yojana – Nation Urban Livlihood Mission) hi Ministry of Housing & Urban Affairs hnuaia sawrkar laipui flagship programme niin, khawpuia miretheite chawikan hna thawh a ni. DAY-NLUM hnuaiah hian component 5 a awm a, chu’ng zinga component pakhat, Shelter for Urban Homeless – khawpuia mirethei chengte tana chenna in buatsaih a, chu shelter-ah chuan tui, inthiarna, choka, eng leh a dang pawimawhte a awm ngei tur a ni, tih a ni.
He component hnuaiah hian Lungleia Home 12 ziahluh tawh niin, tanpuina leh bungrua hlan thin an ni. Tun tuma home 5-a bungrua hlan chu, KK Home-ah electric geyser (litre 25) pahnih leh fire extinguisher (kg.4) pakhat; Bethel Centre-ah cctv-2 channel pakhat, electric geyser (litre 25), cotton blanket 20 leh mattress 10; Observation Home leh Lunglei Special Home-ah electric geyser (litres 25) pakhat ve ve; Mercy Home-ah Ro Water Filter (litre 9) pakhat a ni.
Home hnenah bungrua hlan
