Mizoram Mistiri Association (MMA) Day pualin MMA Mamit Branch chuan Thawhlehni khan Joshua’s Children Home-ah an mamawh hrang hrang tihsakin an hnatlang.
MMA Mamit Branch hian, Mamit Dinthara awm Joshua’s Children Home hi a thlawnin bungraw siam ngai leh thawmthat ngai hrang hrang – fencing siam, naupang chaw ei na highchair, shoe rack, diaper dahna bawm, inverter dahna bawm leh thildang pawimawh hrang hrang siamin an hnatlang a, member 20 vel thawkchhuakin, nilengin an hnatlang.
Joshua’s Children Home thawktute chuan hetianga Mamit Mistiri Association-in an lo tih fo thin tawh anga an ni pawimawha a tan a tha leh zung, sum leh pai an seng thin chu lawmawm an tih thu an sawi a ni.
Joshua’s Children Home Mamit hi kum 2018-a din niin, Social Welfare, Women & Child Develoment hnuaia awm an ni a. Tunah hian thawktu 10 awmin naupang 12 an enkawl mek.
Home tan mistiri-te hnatlang
