Horticulture department leh Mizoram Florist Association tangdun buatsaih, Chapchap Kut denchhena ni thum awh tur pangpar pho chhuah leh zawrhna – Chapchar Kut Flower Show 2024, Khatlaa Aizawl Lungdawh neih chu Nilaini khan Horticulture minister Prof. Lalnilawma’n a hawng. Mizoram Florist Association bakah Zoram Anthurium Grower’s Society leh Bonsai Association of Mizoram an tel. Pangpar chi hrang hrang zawrh leh pho chhuahah hian stall 63 awmin, artistic 21, mass arrangement 8, Ikebana 10, perennial potted 16, house plant 59, Bougainvillea 27, potted flower 65, bonsai 32, anthurium chi hrang hrang 36 pho chhuah a ni a, pangpar thenkhat hi inbiakremnain a lei theih a ni.