Bairabi – Sairang inkar rel kawng siam mekah Bairabi atanga km.16-a awm Hortoki Rel Station chin chu Nilaini khan Ministry of Civil Aviation hnuaia commissioner of Railway Safety chuan a endik a. Hortoki Station thlengin rel pindan 12 tlan thlenpui a ni a. Rel hnathawktute an chuang.
Endiknaah hian rel hi chak taka tlantir a ni a. Lei dawh a that tawk dan, tunnel awm dan bakah signal leh traffic chungchang endik a ni.
Railways hotute sawi danin, endiktute hian an endikna report an ziak anga, him tawka an hriat chuan Bairabi atangin Hortoki Station inkarah hian bungrua leh khualzin phur chi rel a tlan thei tawh ang. Siamthat ngai awm nia an hriat chuan siamthat a ni dawn a ni.
2025 July-ah chuan Sairang Station thlenga rel tlan tir theih an beisei tawh a, tunah hian Kawnpui Station thleng chuan hnathawktuten bungrua thiar nan rel kawng hi an hmang mek tawh nia thu dawn a ni.
Hortoki Station-ah hian engkim an peih fel tawh nia sawi a ni a. Rel tlan lai kaihhruaina tur khawl hrang hrang pawh hman chhin vek an ni tawh.
Hortoki thleng rel luh tir
