Hotel chimah mi
pakhatin nunna chan
Argentina rama hotel chim avangin mi pakhatin nunna a chan a, midang engemawzat an la tang bawk.
Tualchhung thuneitute chuan tuipui kama khawpui awm Villa Gesell-a Dubrovnik hotel hi chhawng sawma sang a nih thu sawiin, thawhlehni zing khan a chim niin an sawi.
Tun hnaiah he hotel hi siamthat hna thawk mek a ni a, mahse August thla khan thuneitute chuan a hmun a him lo nia sawiin chawlhsan turin an ti a, chhiatna thlen hnu hian an thenawmte chuan thupek hi an zawm lo hle niin an sawi thung.
He hotel hi phalna mumal nei lova siamthat hnathawh a nih hrim hrim bawk avang hian chhuichiangtu tur team din an nih nghal thu sawi a ni a; in chim a tangte hi engzah chiah nge an nih a la hriat theih loh bakah, ui fing hmangtein mi tangte chhanchhuah hna thawh a nih thu thuneitute chuan an sawi bawk.
Thlalak atanga a lan dan chuan he hotel chim hian a chhehvela building awm dangte chu tihchhiat tel a nei nual a, hnathawktu ni ngeia hriat thenkhat tlanchhuak hmante chu thuzawhfiah tura an kawl thu thuneitute chuan an sawi a ni.
Hotel chimah mi pakhatin nunna chan
