House-in PM hlui a sun
Assembly Session neih mekah Zirtawpni khan Prime minister hlui thi ta Dr Manmohan Singh a sun.
2024 December 21 zan dar 9.51 a thi Dr Manmohan Singh chanchin hi House leader Lalduhoma chuan a sawi a. 1932 September 26 khan Punjab-ah a piang a, University of Cambridge-ah master degree a zawh hnuah University of Oxford atangin doctor of philosophy a zo. Hna hrang hrang a thawh hnuah politics huangah lutin Rajya Sabha MP atan tum ruk thlan a ni.
Kum 1991 atanga 1996 chhung khan Union Finance minister niin, 1998 March 21 atanga 2004 May 21 chhung Rajya Sabha-ah leader of opposition a ni. 2004 May 22 atanga 2014 May 26 chhung Prime minister niin, Sikh sakhaw zuitute atangin India rama Prime minister ni thei hmasa ber a ni. Hei bakah hian sawrkar laipuiah hna pawimawh leh lian tak tak chi 9 a chelh tawh a ni.
Prime minister a nih lai hian ni 100 inhlawhna – MGNREGA, National Rural Health Mission leh Right to Information Act hi a duan leh hman theiha dan puitlinga hlan kai vek a ni.
Kum 33 chhung Rajya Sabha member a nih hnu in 2024 April khan politics a chawlhsan a ni.
House leader sawi hnu hian speaker chuan Dr Manmohan Singh chungchanga an sawi duh sawi turin leader of opposition Lalchhandama Ralte, BJP aiawh Dr K Beichhua leh INC aiawh C Ngunlianchunga te a sawm a, sunna hun hman zui a ni.
House-in PM hlui a sun
