Sore throat (hrawkna) hi infection vanga awm a ni duh hle a, virus vanga awm a ni duh viau a, a chang chuan bacteria vanga awm pawh a ni ve thei. Thlasik laiin a tam zual a, mahse, nipui lai pawhin boruak lum vangin hrawk a khawro a, sore throat hi a awm ve duh hle bawk.
Times of India health section-in chutiang sore throat enkawl dan tur tha nia an tarlan te kan rawn chhawpchhuak e:
1. Hrawkna bakah khawsik i nei tel a nih chuan purunvar chu a hlangin nilengin ei zeuh zeuh rawh. Purunvar hi natural antibiotic a ni a, bacteria leh virus a tihlum thei.
2. Nikhatah vawi 3-4 vel tuilum chialin i hrawk thuah (gargle) ang che.
3. Lawngpar (clove) pawh hritlang damdawi a ni a, a bikin a hriak a tha lehzual. Na a chhawk theih bakah natna tizual tur germ a tihlum thei. Lawngpar hriak pawh hi natural antibiotic a ni.
4. Tui in tam rawh.
5. Hmanlai atang tawhin hritlang tan chicken soup (arsa tui) a tha niin an sawi thin. Arsa a vun nena chhum, purunvar tam tawk telh hi hrawkna enkawl nan a tha ve viau a, flu leh hritlang satliah enkawl nan pawh a tha ve viau.
6. Heng khuanu duansa damdawi bakah hian, i hritlang chu khawsik nen i nei kawp a nih chuan doctor rawn ang che.
Hrawkna damdawi purunvar
