Hriamhrei nena dawr nghak vautu dawr neituten beilet

Hriamhrei nena dawr nghaktu vaua pawisa chhuhsaktu Lalnunthara (24) s/o Lalneihsanga (L) Kolasib Vengthar chu man niin, jail-ah dah a ni.
Thudawn danin, August 20 tlai dar 5.30 vel khan Lalnunthara hi Khuangpuilama coffee dawrah lutin dawr nghaktu Lalkiamlovi w/o Lalzamliana (L) chu pawisa pe turin chemte phawrhin a vau a, dawr neitu hian a pek mai loh avangin an pawisa bawma pawisa awm chu thamin kalchhuah a tum a, dawr nghaktu hian a hnung lam atanga pawmbetin a fanu in a lo pui bawk a, hetianga an inchai buai lai hmutu an thenawm nu chuan an bulhnaia mipa awmte punin Lalnunthara hi man a ni ta a ni.
An inchai buai lai hian dawr nghaktu Lalkiamlovi hi Lalnunthara hian a chemte ken hian a banah a thai fuh a, hliam na erawh ani loa sawi a ni.
Thudawn danin, August 17 zan khan Kolasib Venglaia dawr pakhatah Lalnunthar hi lutin dawr nghaktu hmeichhia chu chemte nena vauin pawisa a lo dil tawh a, hemi tum hian Rs.6000 vel laksakin, dawrah CCTV a awm loh avangin pawikhawihtu hi tunge tih hriat mai theih a ni loa, YMA Kolasib Venglai Branch chuan hmundang CCTV atanga chhuiin a thlalak hi an lo thehdarh tawh a ni.