Mzio thei pangngai chu a ni lo nain kiwi hi kan hre lar tawh hle a, he thei tui reuh tak mai hi taksa hrisel nan a lo tha hle a, minerals leh vitamins a pai hnem niin mithiam ten an sawi a, Times Of India-in kiwi thatna ni a an sawi te kan rawn tarlang e.
Kiwi hi a thlum thur deuh sek a, a haua ei mai bakah desserts leh salad-ah te pawh an hmang a, fruit cake atan pawh an hmang thin. He thei hian Vitamin A, C leh E te a pai hnem a, Vitamin C hi water-soluble antioxidant a ni a, free radicals lakah kan taksa a veng thei a, lung lam natna leh cancer te pawh a veng thei niin an sawi.
Vitamin E pawhin fat-soluble a nei ve thung a, Vitamin C hnathawh a tanpui thei. Kiwi hian heng vitamin chihnih te hi a pai hnem hle a ni.
Kiwi-ah hian dietary fibre a tam a, chu chuan sugae level a control thei a, diabetes tan a tha a, colon (rilpui) cancer tur pawh a veng thei niin an sawi bawk. Fibre a tam vang hian cholesterol level a tihniam thei niin an sawi bawk.
Heart attack nei tawh tan chuan kiwi hi a tha hle a, heart attack neih nawn leh theihna chance a tihniam niin an sawi.
Kiwi hian asthma a veng thei a, naupangah wheezing leh khuh a ven theih bakah DNA mutation tur a veng thei bawk a ni.
Hrisel nan kiwi
