Health and Family Welfare department hnuaia Mizoram Health Systems Strengthening Project (MHSSP) buatsaih hemi in a kaihhnawih turte nena inrawnkhawm vawi 2-na “Damna Kawl Eng” tih chu Zirtawpni khan neih a ni.
MHSSP hotute hian he project thiltum zinga langsar zual an sawi a. Vantlang hriselna lam enkawlna tur ruangam tha zawk, a hun taka enkawlna pe thei tura inruahmanna, health insurance scheme leh thawktu lam tihphuisui a ni. Mipui hnena natna inkaichhawn theih loh chi langsar zual, non-communicable diseases (NCDs) chungchang zirtirna uar zawka kalpui, NCDs service kaltlanga mipui hriselna tha zawk a awm theihna atana vantlang theihna hman tangkai pawh an ngaipawimawh tih an sawi.
He hunah hian National Health Mission hotute, district hrang hrang Health department aiawhte, MHSSP thawhpui pawl aiawh, Lai, Chakma leh Bru hnam aiawh, Mizoram University aiawh leh World Bank team member-te an tel a ni.
MHSSP hi World Bank puihnain kum 2021 khan Mizoramah hawn tan a ni a, Mizoram sawrkara Health & FW department hnuaiah awmin, state chhunga hriselna lama hmalakna chak leh tha zawk awm theihna atan hmasawnna thlentir chu a thiltum ber a ni.
Hriselna lama hmalakna tur duang
