Mizoram Board of School Education-in HSLC 2024 exam result a tihchhuah takah vohbik – Persons with Disabilities (PwD) pass-te a lawmpui tih PwD commissioner Vanlaldiki Sailo chuan a sawi.
“Thinlung takin ka lawmpui a, harsatna tinreng paltlang an nih avangin an lawmpui awm zual bik a ni,” a ti a. Kum dangah pawh vohbik zirlai HSLC result tha tak tak nei an awm tawh tih a sawi a ni.
The Rights of Persons with Disabilities Act 2016-in a phut angin, zirna in reng rengah zaa 5 aia tlem lo vohbik tan seat hauhsak an ni tih PwD commissioner hian a sawi bawk.
HSLC pass vohbikte lawmpui
