HSSLC-a Mizo titha chawimawi
Higher Secondary School Leaving Certificate (HSSLC) Examination 2025 top 3-a Mizo tling (Arts, Science & Commerce stream) ho chu Nilaini khan Mizo Zirlai Pawl chuan an chawimawi.
Hmanpuitu minister PC Vanlalruata chuan zirlai chawimawite chu an insum theihna avanga hetiang dinhmun thleng thei an ni, tiin, ruihhlo a ni emaw social media lam a ni emaw, eng kawngah pawh insum theih a ngai tih a sawi. “Zirna hi puitlinga min siamtu a ni a, kan nun kawng zawhah min hruai a, dinhmun thaa min din tir theitu a ni” a ti.
Hmanpuitu dang, Aizawl SP Rex Zarzoliana Vanchhawng pawhin ruihhlo chu kan ram hmelma a ni tih hria a, ti chhin ve miahlo tur leh do tlat turin zirlaite a fuih a ni.
MZP Gen. Hqrs president H Lalthianghlima chuan MZP-in a zirlai titha an chawimawina thin chhan chu, Mizo zirlaiten kan zirna kawngah theihtawp kan chhuah zel a, top 10 emaw top 3 ah emaw Mizo zirlai a tam thei ang ber kan lan zel theihna atan leh chona siamtu a nih theihna atana ti an ni tih a sawi.
HSSLC 2025 Exam Arts, Science leh Commerce stream top 3-a Mizo tling chawimawite hi mipa 4 leh hmeichhia 4 an ni a. Chawimawina thuziak, sumfai Rs. 5000 theuh leh lehkhabu tha hlan an ni.
Arts stream:
1-na Lalrammawii Tochhawng – Mt Carmel School
2-na Zorinmawii – St. Paul’s HSS
3-na Daniel Lalruatsanga – St. Paul’s HSS
Science stream:
2-na T Lalmuanpuia – St. Paul’s HSS
3-na H Malsawmdawngzuala – St. Paul’s HSS
Commerce stream:
1-na Kristin Laldinpuii Ralte – Oikos HSS
2-na Lalhruaikima – St Joseph HSS
3-na. Esther VL Roluahpuii – St. Paul’s HSS
HSSLC-a Mizo titha chawimawi
