Mizo Students Union chuan HSSLC Examination 2023 result-a Arts, Commerce leh Science stream-a Mizo zirlai top 3-te lawmpuina leh MSU Special Award hlanna chu Thawhtanni khan Aizawlah an buatsaih.
He hun hmanpuitu minister K Lalrinliana chuan tunlai thiamna hrang hrang leh hmanrua kimchang tak hmanga zirlaiten lehkha an zirthei ta chu sang tak thleng turin duhsakna a hlan tih a sawi a. Mizoram tan enge ka tih theih ang, tia inzawtin lehkha zir sauh sauh turin a chah. Pathianin Zofate tan hun a ruat a, tuna kan tawrhna chuan inpawhna tha lehzual leh Zofate inpumkhatna a kawk a, hmun hrang hranga chengte unau kan nih zia a lang, tiin, hnam movement chu ngaihtuah reng a, ngaihtuahna fimtak hmang turin zirlaite a chah.
MSU president Samuel Zoramthanpuia chuan an hmalaknaah zirlaite tan za 80 an insawrbing a, zaa 20 ram leh hnam in a mamawhna apiangah an hmang thin tih a sawi a. MSU hmalakna – Project Mizoram 2nd Container hmangin a thlawna Mizoram damdawi in hrang hranga bungrua sem theihna, MSU Cup kaltlanga infiammite tana Assam Rifle tan theihna te, DCA class hawn thar tur leh MSU CSR hmanga Kawnpui College-a Smart class siamna turte, Project Kulva hmanga international leh interstate atanga Zofate inpui rawn beltute chhawmdawlna a nih tur thu a puang bawk.
MSU Special Award hi 60% disability ni chunga HSLC first division-a pass H. Lalchhuanawma, Bethlehem Vengthlang High School hnenah pek a ni a. Chawimawite hi thuziak bakah an zir zelna atana pui thei tur lehkhabu hlan an ni.
ARTS:
1. Rodinpuia Ralte, Home Mission School
2. Lalawmpuii, Synod HSS
3. Zomuanpuii, St Joseph HSS
SCIENCE:
1. Jonathan Lalhruaitluanga, St Joseph HSS
2. Lalnunmawia, St Joseph HSS
3. Lydia Chingbiaki, Synod HSS
3. Kenneth Remlalfaka, St Joseph HSS
COMMERCE:
1. Vanlaldika, St Paul’s HSS
3. Vanlalchhanchhuaha, Oikos HSS
3. H.Lalrintluanga, St Joseph HSS
3. Lalrinsanga, St Joseph HSS
4. PC Lianthangpuii, Oikos HSS
4. C.Lalnghenchhana, St Joseph HSS