Andhra Pradesh Chief Minister Y.S. Jagan Mohan Reddy chuan ‘tun hnai kum li chhunga human capital investment a Rs 14,912 crore sen chuan State a tipachhe lovang’ tiin a sawi.
Jagan Mohan Reddy chuan roadshow a neihnaah January atanga March quarter a Jagananna Vidya Deevena scheme hnuaia zirlai 9.95 lakh te tana college fee Rs 703 crore a pechhuak a ni.
“Education budget te hi human capital investment a hmana ngaih tur a ni a, chu chu Andhra Pradesh hmalam hun thlak danglam tur a ni. Hetiang investment hian State pachhia siam dawn lovin State chu skilled manpower ngah tawkah a siam zawk ang” tiin Jagan Mohan Reddy chuan a sawi bawk.
“Zirna chauh hi rethei te khaichhuahna tur a ni tih kan chianga social leh financial stability an neih a ngai a ni. Zirna sang zawk hi chhungkaw tin te right ah kan ngai a ni” tiin Jagan Mohan Reddy chuan a sawi bawk.
Scheme an kalpui hnuah higher education a inziaklut an pun thu sawiin Chief Minister chuan, “Kum 2018-19 khan Intermediate bansan 81,000 an awm a. Tunah kum 2022-23 ah chuan 22,387 ah an tla thla duai tawh a ni. Engineering education lamah kum 2018-19 khan zirlai 87,000 chauh an awm a, tunah chuan 1.20 lakh an kai tawh a. Hetianga zirlai punna chhan hi an zirna fee kan tumsak vang a ni” tiin a sawi.
Chief Minister chuan State sorkar chuan bituk siam hauh lovin course fee pum chu zirna sang zawk ram pawna zirte a tumsak zel dawn tiin a sawi bawk.
Human capital investment tuichilh AP
![](https://theaizawlpost.org/wp-content/uploads/tap_logo-min-large.jpg)